Shillong, Nailar:
Ha ka 23 tarik, Nailar 2024, ka NIT Meghalaya ka la rakhe da ka jingsngew sarong ïa ka National Space Day kaba nyngkong eh ha ka jingjop jong ka jingpoi jong ka Chandrayaan-3 Mission jong ka India ha u bnai.
Ïa kane ka jingïalang la plie da u Prof. Pinakeshwar Mahanta, Director ka NIT Meghalaya. Ngi la don ruh ïa u Prof. Ujjwal K. Saha, ka Professor, Mechanical Engineering, IIT Guwahati, ka Rekha B. Gogoi, u Prof ka Scientist NESAC,Shillong, Prasan K. Sahoo, Professor, Chang Gung University, Taiwan, Prof. Diptendu Singha Roy, Dear R&C, NIT Meghalaya, Rakesh Kumar Sarmah, Scientist NECTAR, Shillong.
Ha ka jingkren pdiang sngewbha u Prof. Pinakeshwar Mahanta u la kren da ki kyntien kiba pynshai halor ka jingdonkam na ka bynta ka jingwad bniah ha ki haw haw bad ka jingtreikam jong ki jaka wad bniah kum shi bynta ban kyntiew hashwa ïa ka rukom treikam ka jingstad saïan.
La sdang ïa kane ka jingïalang da kaba pyni ïa ka jingïalang kaba dang ïaid jong ka National Space Day na Bharat Mandapam, kaba ha New Delhi. La pynlong ïa ka Workshop kaba shi sngi ha ka National Space Day ha NIT Meghalaya.
Ïa ka jingkren banyngkong ha kane ka sngi la ai da u Prof. Ujjwal Kumar Saha, Professor of Mechanical Engineering, IIT Guwahati.
Ka jingkren jong u ka la pynpaw ïa ka jingdonkam jong ka National Space Day bad banjur da kaba ong ba la dei ban kyntiew shwa ïa ka jingstad saïan bad ki jingpyntreikam katkum ki jingstad kajuk ba mynta ha ka jingwad bniah hapoh haw-haw.
Kane ka jingïalang ka la long ha ka Mini Auditorium, ha kaba ka la khring ïa ki paidbah kiba sngewtynnad bha halor kane ka bynta kaba kynthup ïa ki samla pule bad ki dkhot jong ki riewshemphang.
Hadien ka jingkren jong u Prof. Saha, u Rakesh Kumar Sarmah u la ai jingkren halor ka jingpyndonkam ïa ka teknoloji na ka bynta ka roi ka par kaba neh. U la ban jur halor ka jingdonkam ban pynïasohlang ïa ki jingkyntiew shwa ha ka liang ka teknoloji bad ka jingroi kaba neh, khamtam ha ka bynta ba ïadei bad ka haw-haw.
Ka Rekha B. Gogoi ha ka jingai jingkren ka la batai bniah halor ka jingpyndonkam ïa ka prokram ba ïadei bad ka haw-haw jong ka India na ka bynta ka jingpynïaid kaba long ha ka jingma bad ka jingbymlah treikam.
Ha ka jingïalang kaba la long ha ka por shiteng sngi, u Dr. Rishitosh K. Sinha, uba long u Scientist, ka Physical Research Laboratory ha Ahmedabad u la ai ïa ka jingkren Online halor ka jingjop jong ka jingpoi haw-haw jong ka Pragyan Rover ha u Bnai.
U la pynshlur bad ai mynsiem ïa ki samla pule ban ïasoh bad ka prokram jong ka Indian Space.
U Dr. Kinsuk Acharaya, Associate Professor jong ka Physical Research Laboratory, Ahmedabad u la ïashim bynta ha kane ka jingïalang ha ka rukom kaba kyrpang bad u la ai ïa ka jingkren kaba pawnam bha halor “Search for Extra-terrestrial Life”, kaba long halor ka jingwad ïa ki jingim ba shabar jong ka pyrthei, ha kaba u la wad bniah ïa ki lad ki lynti kiba pynsuk bad ki rukom treikam ban wad ïa ka jingim shabar jong ka Pyrthei.
Ha kajuh ka por bad ki jingkren jong u Prof. Pinakeshwar Mahanta, Director jong ka NIT Meghalaya u la pyllait paidbah ïa ka Telescope hajrong tnum jong ka jaka pule.
Ki samla pule kiba don jingsngewtynnad halor kane bad kiba shemphang ki la ïashim bynta ha ki jingïalang. Kumjuh ruh la pynlong ïa ka jingpyni ïa ki Drone ha Admin Block Front, ha kaba la pyni ïa ki jingkiew jong ki rukom pyntreikam katkum kajuh ba mynta jong ki bad ki jingwad bniah ha haw-haw bad ka jingpynroi ba neh.
Ka jingpyni paidbah ka la khring ïa shibun ki nongwan jngohkai bad ka la pyni ïa ki jingpynwandur bathymmai ha ki Unmanned Aerial Vehicles (UAVs). Ha kane ka sngi la pynlong ruh ïa ki jingïakop pyni Poster bad Quiz na ka bynta ki samla pule kiba don bynta ha ka Indian Space Mission.
Kane ka jingïalang ka dei ka mawjam kaba kongsan na ka bynta ka NIT Meghalaya, kaba rakhe ïa ki jingjop jong ka India ha ka jingpyntreikam ha haw-haw bad ai mynsiem bad pynshlur ïa ki jingnoh synñiang ha ka pateng jong ki kynhun ha ki jaka ai jinghikai halor ka bynta ban wad bniah hapoh haw-haw.
