Shillong, Nailur:
Ka ICICI Prudential Life Insurance Co. Ltd., ka la lah ban jop sa ïa uwei pat u mawmer da ka jinglah ban don haduh T. 3 lak klur ha ka Assets Under Management (AUM). Ka AUM jong ka kompani kat haduh ka 31 tarik U Naitung 2024, ka long T. 3.14 lak klur.
U Anup Bagchi, MD & CEO, ka ICICI Prudential Life Insurance, u ong, “Ngi sngewtynnad haduh katta katta ban lah ban jam ïa une u mawmer ban poi ïa ka 3 lak klur ha ka Assets Under Management. Kane ka pyni ïa ka jingjied nong ki noh buh pisa ïa ki jingshakri kiba ngi ai bad ka jingshaniah jong ki ha ngi ban ïarap ïa ki ba kin lah ban pynurlong ïa ka jingangnud ka jong ki ha ka liang ka jingbuh ïa ka pisa pilaiñ. Ka rukom treikam jong ngi da kaba ngi pynsuk ha kaba wanrah ïa ki jingshakri ka long kawei na ki daw kaba la ïalam lynti ba ngin kiew ha kaba ïadei bad ka Assets Under Management.
Ki nongbuh pisa ki shaniah ha ngi ba ngin wanrah ïa ka jingshngaiñ ha ka liang ka jingbuh ïa ka pisa pilaiñ na ka bynta jong ki bad ka ïing ka sem jong ki. Kumta ngi long kum ki nongpyn peit nongpynjngoh na ka bynta ka pisa ba la buh da ki nongbuh bad ngi la don ruh ki kyndon treikam kiba pyrkhing ha ka rukom buh pisa bad ha kajuh ka por ki don ruh ki kyndon treikam kiba ïadei bad kumno yn leh lada don kino kino ki jingma ha ka liang ka jingbuh ïa ka pisa. Kane ka rukom treikam ka la pyntikna ïa ngi ba ngim don kino kino ki jingbuh pisa kiba ym treikam ne ki Non-Performing Assets naduh ba la sdang ïa ka kompani bad ka ka jingtyllun jong ka ïew ha ki bynta bapher bapher.”
