Shillong, Nailur:
Ka Seng Samla Kur Kharmawphlang ka la rai ban pynlong ïa ka jingpynkup burom ïa ki samla jong ka kur Kharmawphlang kiba Pass bha ha ki Examination ki bapher ba pher jong u snem 2023 & 2024 , na ka bynta kane, ki samla kin sngewbha ban ai jingtip sha i Vice President jong ka seng samla kur Kharmawphlang i kong Tusila Kharmawphlang , kiba Pass ha ka kyrdan 1st Division jong ki Examination ki bapher bapher ki ba kynthup ïa ka SSLC, CBSE, ICSE, ISC, HSSLC (Atrs, Commerce & Science), CBSE (Atrs, Commerce & Science), Degree (Atrs, Commerce & Science), Master Degree (Atrs, Commerce & Science).
Ïa ki Marksheet bad ka Biodata dei ban pynpoi sha i Kong Tusila Kharmawphlang iba dei i Vice President jong ka seng samla kur Kharmawphlang ne phone ha une u Number 84140-79820. Ka tarik ban pdiang khatduh ïa ki Marksheet bad ka Biodata kan dei ha ka 12 tarik, Risaw, 2024.
Ha kaba ïadei bad kane la kyrpad ïa kiba dei ban shah pynkup burom ba kin sngewbha ban pyndap bha ïa ka kyrteng & Mobile Number da kiba shai ryngkat bad phah ha u WhatsApp number ba la ai 84140-79820.
Ka tarik na ka bynta ka jingpynkup burom kan dei ha ka 26 tarik, Risaw, 2024 ha ka Dorbar Hall jong ka shnong Umpling ha ka por 12:00 mynsngi.
