Nongstoiñ, Risaw 30
Ki briew ki bym shym la tip ki dei kiei ki la pynjulor dusmon ïa kawei ka kali kaba don ïa u nombor ML-05-V-3583 jong uwei u rangbah uba la tip kyrteng kum u Bah Evelingstar Nongsiang na ka shnong Langumshiang-A kaba hap hapoh ka Mawshynrut Civil Sub-Division katba u dang pynïeng harud surok PWD, ha kawei na ki jaka hapoh Mawliehbah Mawnar, West Khasi Hills.
Katkum ka ejahar kaba une u rangbah u la leit ban buh ha ki pulit ka Nongstoiñ Police Station mynta ka sngi ka 30 tarik u Risaw, 2026 la pynpaw ba katei ka jingjia ka la jia ha ka janmiet jong ka 29 tarik u bnai Risaw, 2026 ha ka por 2.50 nohphai sngi, katba u dang pynïeng harud surokbah ha Mawliehbah Mawnar.
La pynpaw ba katei ka jingjia ka la jia ruh katba ma u, u dang leit ban ïalehkai kriket ha madan Mawliehbah Mawnar.
La ïathuh ruh ba ha kaba ïadei bad katei ka jingjia, la don ruh ki briew kiba dang don ha pynthor kiba la ïohi bad ki la ïoh ruh ban ringdur ïa kane ka jingjia.
Shuh shuh la ong ba kitei ki runar ki wan da ka kali Alto 800 bad ki don saw ngut kiba la kah durkhmat bad ïa ka kali ym shym la lah ban tip ïa u nombor namar la shu ïoh ringdur na sha jngai jong katei ka kali Alto 800.
