Shillong, Nailur 02
Kawei ka longkmie kaba dei ka nongshong shnong jong ka Eastern West Khasi Hills ka la shah thok pisa da ki lak tyngka ha uwei briew uba kam ïalade ba u dei na ka Customer Care tang lyngba ka phone.
Ha ka jingujor ba la ai da kane ka longkmie sha ki pulit, la ong ba ha ka 29 tarik mynshem bnai ha ka por kumba 3 baje janmiet, ka la ong ba ka la ïoh pdiang ïa kawei ka ‘phone call’ ka bym ithuh ne paw kyrteng, ha kaba u briew uba kren na shiliang u la kam ïalade ba u dei na ka Customer Care bad ruh u la pan ïa u nombor jong ka Credit Card ïa kaba ka la ai.
La ong ba tang hadien katto-katne, ka la lap ba ka pisa kaba long haduh T.3,05,097 la dep ban sei na ka Credit Card ka jong ka. Ha kaba ïadei bad kane, na ka liang ki pulit ki dang pynlong ïa ka jingtohkit.
