Shillong, Nailur 03
Ki runar bym lah ban ithuh ki dei kiei, ki la prong tuh ïa kawei ka dukan kaba don ha Khyndai Lad bad ban rah tuh ïa u sikret bad ka pisa.
Katkum ka khubor na ki pulit la ong ba u Badyanath Jha u la ujor sha ki pulit ba ha ka miet jong ka 31 tarik Nailar bad 1 tarik Nailur ki runar ki la prong tuh ïa ka dukan jong u kaba don ha Khyndai Lad, Shillong, bad ban tuh ïa ki sikret bad kiwei ki jingbam duma kiba shongdor kumba T.18,500 bad ka pisa kaba long T.2,800.
Ha kaba ïadei bad kane ka jingjia, na ka liang jong ki pulit hadien ba ki la ïoh pdiang ïa ka jingujor, ki dang pynlong ïa ka jingtohkit na ka bynta ban thwet ïa ki runar kiba donkti ha kane ka kam tuh.
