Shillong, Nailur:
Uwei u briew ba kyrteng u Guru Charan Singh u la ujor ejahar ba ha ka 28 tarik Nailar kumba 3 baje mynsngi, ki runar ki bym ithuh satia ki la rung ha ïingsah jong u ha Lawsohtun Block-1, Shillong bad tuh ïa kawei ka TV.
Kawei ka kynthei na kawei ka shnong kaba ha Shillong ka la ujor ejahar (30 tarik Nailar) ba ki runar kah dur ki bym ithuh satia ki la byrngem ïa ka khun jong ka.
Kawei ka kynthei na ka shnong kaba ha EJH ka la ujor ejahar ba ha ka 28 tarik Nailar ha ka por kumba 6.30 baje janmiet, uwei u briew ba kyrteng u Lalsiemthang Lungtua @ Thanga, u la thombor ïa u kurim jong ka (uba la tip kyrteng kum u Lalhmatuoi Lungtua), da ka ‘dao’. Kumta, u lanot u la mynsaw bad la pynkit noh ïa u sha ka Woodland Hospital, Jowai.
Uwei u briew uba kyrteng u Bankiyou Pohthmi u la ujor ejahar ba ha ka 24 tarik Nailar ha ka por kumba 2.30 baje mynsngi, la lap ba ki runar ki bym ithuh satia ki la tuh ïa kawei ka RRU na ka jaka buh ‘tower’ ha ka shnong Jaraiñ (WJH).
