Shillong, Nailur 05
Ki heh pulit ka Jylla ki la ong ba wat lada ki shah kynthoh bad shah kren beiñ hynrei ki pulit kin pyndep ïa ka kamram ban tar ïa ki kali tah ïit-ïong be-aiñ kiba shu shim kabu.
Haba ïakren bad ki heh pulit, ki la ong ba ki don shibun ki jingshah kynnoh ba ki pulit ki leh shiliang, hynrei kum ki briew jong ka aiñ hap ban pyndep ïa ka kamram kam pher lada dei ki heh Sorkar ne ki heh ki haiñ.
“Da ki spah tylli ki kali tah ïit-ïong ngi la bat bad tar noh ïa ki plastik ïit-ïong. Ngi shah kren beiñ ha ki briew bad ki nongmihkhmat ba ki pulit ki leh shiliang hynrei ngi pyndep ïa ka kamram ban leh eiei ïa kiba leh be-aiñ,” la pynpaw uwei na ki heh pulit.
Ka tyllong khubor ka ïathuh ba ki la don da ki spah tylli ki kali tah ïit-ïong bad shen ka tnat pulit kan sa pyllait paidbah ïa ki kali kiba leh be-aiñ.
