Shillong, Naitung 22
Ka Kong Kyntulang Rynjah kaba dang 30 snem ka rta ka la jop ïa ka sub-title Best Ramp Walk ha ka jingïakop Mrs India International Queen 2026 kaba la long ha nongbah Delhi naduh ka 15 tarik bad kut ha ka 18 tarik mynta u bnai.
Ka Kong Kyntulang ka dei kaba la don khun lai ngut ka dei shnong trai na Synnia Sya hynrei mynta ka la shong la sah ha Shillong.
Haba ïakren bad ka Kong Kyntulang ka la ïathuh ba ka la jop ïa ka Mrs Mawkynrew 2024, ka la jop ruh ïa ka Best Ramp Walk ha ka Mrs Face Meghalaya ha u snem 2024 bad ka la jop ruh ïa ka Best Ramp Walk ha ka Mrs Diva North East Top-5.
Ka la jop ïa ka Mrs Face Meghalaya ha u snem 2024 hynrei ka la ïoh mihkhmat sha Delhi mynta u snem namar ka la pynlut hi ïa ka jingdonkam baroh.
Ka la batai ba ha kane ka jingïakop ïa ki longkmie kiba la don khun kiba la poi phainal ki don 34 ngut kiba hapoh 40 snem bad kiba la palat ïa ka 40 snem ki don 91 ngut.
Shuh shuh u la ïathuh ba ka don khun lai ngut hynrei namar ka don shibun shipara kumta ka la phah ap ïa ki khun ha ki hynmen haba ka leit ïakop ha Delhi.
Ka la ïathuh ba ïa kane ka kam ïakop thei bhabriew ka la thrang naduh dangrit bad mynta ruh ka dang kwah shuh shuh ban ïakhun lada don ki jingïakop.
