Jowai, Naitung 22
Ka Aishwarya Malang ka samla na Khliehiongriang, West Jaiñtia Hills District kala ïoh kup ïa ka pansngiat Miss Teen Diva 2026 ha ka rynsan ïakop ‘thei bhabriew kaba la long ha Jaipur.
Nalor ka pansngiat Miss Teen Diva India 2026, ka Aishwariya Malang kala jop ruh ïa ka Miss Teen Earth India 2026, Miss Fashion Icon bad Best in Evening Gown.
Da ka jingsngew sarong halor ka jingjop jong ka, ki bahaïing ha sem ryngkat ka shnong Khliehiongriang kila pdiang burom ïa ka ha jingkieng Myntdu ha ka 22 tarik Naitung.
Ka samla Aishwarya Malang haba kren sha ki lad pathai khubor ka pynpaw ka jingkmen kaba khraw halor kane ka jingjop ka jong ka, da kaba ka kyntu ruh ïa kiwei ki para samla kiba don ïa ka sap ha kino kino ki rynsan ba ki dei ban mih shakhmat khnang ba kin ïoh ïa ka jingjop ha ka jingim ka jong ki.
