Jowai, Nailur 05
Ka tnat treikam jong ka koit ka khiah ka jylla Meghalaya ka la pynthikna ïa kawei ka ‘case’ jong ka jingpang Japanese Encephalitis (JE) ha Khanduli, West Jaiñtia Hills District kaba don ha khappud bad ka jylla Assam-Meghalaya.
Ïa katei ka jingpang la pynthikna da ka jingwad bniah (vector study) kaba la leh ha ka shnong Khanduli, ka shnong kaba don ha khappud bad ka West Karbi Anglong (Assam).
“Kaba kham sngew shyrkhei ka long ba ka jingwad bniah ïa ki khñiang jingpang ka la lap ïa ka jingbun ki ‘kaiñ pyrjong ha katei ka jaka,” la ong ka tnat ka koit ka khiah ka Meghalaya.
Ka kynhun jong ki ‘entomologist’ ka la shim ruh ïa ka kabu ban pynsngewthuh sha ki longïing bad ki briew ha katei ka thaiñ shaphang ka jingma bad ki lad jingïada kiba lah ban shim na ka bynta ban ïada na ka jingma jong u Japanese Encephalitis (JE).
Ka Khanduli Sub Centre, kaba don sha shiliang jong ka Karbi Dispensary kaba la shah iehnoh, ka ïakynduh ïa ka jingma kaba jur na ki jingpang ba ïoh na ki khñiang jingpang.
Halor ki lad jingïada, ka tnat ka la kyrshan ïa ka jingdonkam ban pynkhuid ïa ki um kiba sahkut, pyndonkam ïa ka musari bad synreit dawai pynïap khñiang man ka por.
