Tuid ki paidbah sha ka tamasa ‘Cherry Blossom’ ha Bhoirymbong watla pynwit u slap

Shillong, Naiwieng 20 Watla u slap u la pynwit haba ka tamasa Cherry Blossom ka la sdang mynta ka sngi ka 20 tarik Naiwieng 2026 ha Bhoirymbong hynrei ki paidbah ki la tuid beit ban...

Shillong, Naiwieng 20

Watla u slap u la pynwit haba ka tamasa Cherry Blossom ka la sdang mynta ka sngi ka 20 tarik Naiwieng 2026 ha Bhoirymbong hynrei ki paidbah ki la tuid beit ban rung shapoh madan.

Ka jingsdang hap u slap uba malumala ka dei ha ka por 6:00 baje janmiet haba u nongrwai Bollywood u Darshan Raval u la kiew ha rynsan hynrei une u slap u la neh tang kumba shiteng kynta.

Haba u Darshan u la kiew ha rynsan la ïohi ba ki paidbah ki la tuid ban rung shapoh madan.

La ïohi ba ki paidbah ki la rung shapoh madan ban kup shatri ban ïada na u slap.

Kane ka tamasa ka la sdang mynta ka sngi bad kut lashai ka sngi Saitjaiñ.

Ha kane ka sngi u Nelly, Boys like Girls kiba dei nongrwai na America ki la ïoh ban pynshongshit ïa ki paidbah kiba wan sha kane ka tamasa.

Katkum ka jingïoh lum jingkheiñ kiba wan ha kane ka tamasa ki bun dei nabar ka Jylla bad ka jingkhapngiah ka la duna namar ki jaka pynïeng kali ki la bun bha.

La antad ka jingwan bun ki briew ha kane ka tamasa ka long da ki phew hajar ngut.

Kumban shu pynkynmaw ba ïa ka tamasa Cherry Blossom la wanrah biang mynta u snem ha Bhoirymbong namar mynshem snem la pynlong ha JN stadium Shillong.