Shillong, Nailur:
Ha ka jingpyrshang ba man ka por jong ka ban palat ïa ka jingkhmih lynti jong ki nongthied da kaba ai ïa ki jingïakynduh ba kyrpang, ka Toyota Kirloskar Motor (TKM) mynta ka sngi ka la pynbna ïa ka jingpynrung ïa ka “T CARE”, ka jingthmu ba thymmai kaba thmu ban pynpoi ïa ka jingïakynduh ba pura jong ka jinglong trai sha ki nongthied ba niewkor jong ki.
“Ngi ngeit ba ka T CARE kan pynkhlaiñ shuh shuh ïa ka jingïadei bad ki nongthied jong ngi bad kan pynskhem ïa ka jingshaniah kaba khraw jong ki ha ngi ha kine ki snem, da kaba kyrshan ïa ka jingthmu jong ka Toyota ban long ka kompeni pynïaid kali. Ka jingthmu jong ngi ka long ban pynthikna ïa ka jingïakynduh kaba pynhun shisha na ka bynta ki nongthied ba shemphang jong ngi bad ban bteng ban long u paralok ba shaniah tam uba pynbiang ïa ki jingdonkam jong ki kiba nang kiew man ka por ha ka jingïaid lynti.”
Kaba kham kongsan ka long ba ka TKM mynta ka don 685 tylli ki jaka ïakynduh jong ki nongthied ryngkat bad 360 tylli ki jaka die T Sparsh, kaba la lum lang haduh 1045 tylli ki jaka ïakynduh ha kylleng ka ri India, kaba pynthikna ïa ka jingsuk ban ïoh ïa ki mar bad ki jingshakri bapher bapher jong ka Toyota, bad da kata ka pynlong ïa ka ban long kaba suk na ka bynta ki nongthied jong ki.
