Shillong, Nailar 04
Ka ïingbishar Special Judge (POCSO) ha East Khasi Hills kala hukum ban set along 3 snem ïa u Abdul Khudus namar ka jingleh kynshleiñ ïa ka khynnah ba 7 snem ha u 2015.
Katkum ka kyrwoh ki Pulit, ïa kane ka jingpynsajia la pynbna ha ka 28 tarik Naitung, 2026 da ka ïingbishar Special Judge (POCO) MK Lyngdoh, Shillong ba ïadei bad ka Madanrting PS Case No. 117(9)2015.
Ka ïingbishar kala hukum set phatok 3 snem bad ka kuna ba T.20,000 hapoh ka kyndon 8 jong ka POCSO Act, nalor 6 bnai lada ym siew kuna.
Ïa u Khudus la rai set phatok 2 snem hapoh ka kyndon 506 Part I IPC.
Ki Pulit ki pyntip ba ïa ka ejahar la ujor ha ka 28 tarik Nailur, 2015 da ka Kmieieid jong kane ka khynnah. Ïa kane ka case la tohkit da ka WPSI P Wahlang, bad ïa ka charge-sheet la aiti ha u Ïaïong, 2016.
Namar ba u la shong phatok 2 bnai bad 1 sngi, u Khudus un hap shong phatok sa 2 snem, 9 bnai, bad 29 sngi, ong ki pulit.
