Shillong, Nailur:
Ka Amazon India ka lah pynbna ba la pynmih ïa ka Ganesh Chaturthi Store, da kaba wanrah ïa ki jingtyrwa ïa ki mar ki mata kiba la jied bha bad kiba donkam na ka bynta kane ka aïom lehkmen bad kumjuh ruh ban bud ïa ka dor kaba duna khnang ba kan nang kham pynshong shit shuh shuh ïa ka jinglehkmen. Kane kan neh haduh ka 7 tarik u Nailur, kane ka dukan ka don bun jait ki tiar, kiba kynthup ïa ki blei thaw Ganesh, ki tiar leh puja, ki jaiñ phong sngi lehkmen, ki tiar buh kai, bad ki tiar ilectronik. Ki tiar ba kham paw ki kynthup ïa u blei thaw Genesh uba heh ïa uba la shna da ka rnong bad kumjuh ruh ïa u blei thaw Ganesh ba la ai rong da ka kti, bad kumjuh ruh ki jingthang iwbih thang bad ki jaiñphong na ka bynta kane ka jinglehniam kum na ka Manyavar bad ka BIBA. Ki don ruh ki e-gift cards kiba lah ban ïoh katkum ka mon lade ïa kiba lah ban ai sngewbha.
Ki dkhot jong ka Amazon Prime ki kham ïoh jingmyntoi, kaba kynthup ïa ki jingïoh dor duna, ka jingïoh kham kloi ïa ki tiar, kaba pynlong ïa ka rukom thied jingthied kaba suk bad ba beit.
Ha Shillong, ka jingpynmih ïa ka Ganesh Chaturthi Store ka lah long kaba seisoh bad kaba ai jingkmen ïa ki briew. La sakhi ba ka ïew ha Shillong ka don ïa ka jinglah ban thied ïa baroh ar jait kata ïa ki tiar kiba long tynrai bad ki tiar kiba kham mynta kiba ïadei na ka byta ban le kmen, ha kaba ki nongthied na kine ki jaka ki sngewtynnad ïa ka jingpynsuk bad ki jingbun jait jong ki tiar ba la tyrwa da kane ka rynsan jong ka Amazon. Ka jingban halor ka jingpynpoi kloi ïa ki tiar bad ki jing ai duna dor ka lah suh thied bha bad ki nongthied ha Shillong, kaba pyni ïa ka jing kiew sted jong ka jingkwah jong ka thaiñ ïa ki lad thied jingthied kiba kloi bad ki ba ïar.
