Khliehriat, Nailur 06
Ka Industrial Training Institute (ITI), Khliehriat kaba hap hapoh ka Craftmen Training Scheme ka la pynbna ba kan pynlong ïa ka jingai jinghikai na ka bynta u snem 2024-2025 (Ka course kaba shisnem) bad 2024-2026 (Ka course kaba ar snem) halor kiba bun jait ki kam.
Ka la pyntip ruh ba ïa ki ‘Form’ lah ban ïoh napoh ka ophis jong ka District Employment Exchange, Khliehriat naduh ka por 10:00 mynstep shaneng ha ka kynta long trei bad ka tarik ba khatduh ban phah ïa ki aplikeshon ‘form’ kan long ha ka 27 tarik u Nailur, 2024.
Ki jait jinghikai ki kynthup ‘Wireman’, ‘Surface Ornamentation’ (Embroidery), ‘Driver cum Mechanic’ na bynta kiba la ‘pass’ klas 8 bad ‘Cosmetology’, ‘Computer Operator and Programming Assistant’ na bynta kiba la ‘pass’ klas 10.
Ïa kane la pyntip da u In-charge Vice Principal, Industrial Training Institute, Khliehriat.
