New Delhi, Nailur 08
U nongpang ba dang samla, uba dang wan dang shen na ka ri kaba dang pur ka jingpang ‘Mpox’ (Monkeypox), u dei uba la suba ba u don ïa kane ka jingpang.
Kumta, la buh marwei ïa une u nongpang ha ka ‘hospital’ bad haduh mynta um don ha kano-kano ka jingma.
Ha kajuh ka por, dang peit bniah ïa ki nongmuna jong une u nongpang ban pyntikna la ka dei shisha ne em ka jingpang ‘Mpox’. Shuh shuh la peit ïa kane ka kam katkum ki kyndon treikam ba la buh bad dang buddien ïa ki briew ba u la ïakynduh khnang ban sngewthuh naei u ïoh ïa kane ka jingpang bad ruh ban tehlakam ïa ka jingktah ha ka ri.
Ka jingïaid shakhmat ha kane ka kam ka ïahap bad ka jingpeit ïa ka jingma kumba la leh da ka NCDC bad ym donkam ban khuslai.
Na ka liang ka ri, ka la khreh ban peit ïa kane ka jingjia bad ka don lypa ki lad ki lynti ban pynduna ïa ki jingma ha ka ri.
