Khliehriat, Nailur:
U District Planning Officer (DPO), East Jaiñtia Hills District u la pyntip sha baroh ki kynhun seng treikam bhalang (NGOs/ VAs/Associations) kiba la dep pynrung kyrteng hapoh ka District ban wan aplai ïa ka Chief Minister’s Youth Development Scheme (CMYDS) na ka bynta ban pynlong ïa ki kynja ‘Awareness Programme’ kumjuh ki jait kam bapher-bapher kiba ïadei bad ka bha ka miat jong ki samla ka distrik.
Ki seng treikam bhalang ki lah ban leit shim ïa ki ‘Form’ napoh ka ophis District Planning, kaba don ha ophis jong u Deputy Commissioner, East Jaiñtia Hills District, Khliehriat.
Yn ai ïa ki ‘Form’ naduh ka 10 tarik Nailur ha ki kynta long trei haduh 20 tarik Nailur bad hadien kata yn nym pdiang shuh ïa ki ‘Form’.
Ka sngi khatduh ban pynpoi ïa ki ‘Form’ kan long ha ka 30 tarik Nailur.
