Jowai, Nailur:
Ka Chilliangraij SSA UPS kum shibynta ka jingleh burom World Literacy Day, ha ka 6 tarik Nailur ka la pynlong da ka jingïalang kaba la shim bynta da ki nonghikai bad khynnah skul.
Ha kane ka jingïalang la ïathuh ïa ki khynnah shaphang ka nongrim jong ka World Literacy Day da ka H Iakai, Head Teacher Chilliangraij SSA UPS bad la pule ruh ïa ki kyntien ne recitation bad ka jingthoh Slogan ba la shim bynta da ki khynnah skul.
Ka H Iakai kaba la batai kyrpang shaphang ka phang jong ka World Literacy Day 2024, kaba ong ‘Promoting Multilingual Education- Literacy for Mutual Understanding and Peace’.
Ban khring ïa ka pyrkhat pyrdaiñ jong ki khynnah ka H. Iakai ka la ong kumba ïalam ka juk ka por, ka long ka donkam ban nang thoh ban pule ïa ki jait ktien, hynrei donkam ruh ban kynmaw ba ym dei ban pynkhraw ïa ka jong kiwei bad lyndet ruh ïa ka ktien jong la jong khamtam ka ktien kaba khalang ryngkat bad ka jaidbynriew.
