Shillong, Nailur 09
U Myntri ka tnat Social Welfare, Bah Paul Lyngdoh uba la lum ïa ki nongkitkam shnong na 10 tylli ki Dorbar Shnong kiba hap hapoh West Shillong constituency kiba la hap ha ka ktem jong u drok bad kumno ban ïakhun pyrshah ha kaba la mynjur ruh ban pynkhlaiñ ïa ki Village Defence Party (VDP).
Ki ophisar ka tnat Social Welfare bad pulit ki la donlang ha kane ka jingïalang kaba la lum da u Myntri.
U ong ba ka jingjyllei u drok ka la kiew kaba wanrah ka jingkulmar jingmut hapdeng ki nongshong shnong khamtam haba ïakhleh lang ki nongshong shnong ha kine ki shnong.
U la ong ba ha ki jaka ba hap hapoh Cantonment yn pynrung ruh ïa ki kyndon ka MRSSA khamtam ban peit ïa kiba wan sah namar ka kyndon ka kren shaphang ka jingpynrung kyrteng ïa kiba sah wai.
Kumta u la ong ba donkam ka jingïatreilang bad ki nongshong shnong bad ha ka Police Act 2010 ka la don ruh ka kyndon ban thaw VDP ha ki shnong ki thaw ban ïakhun ïa ki kam sniew ha ryngkat ki pulit.
