Ka Samsung ka pynbna ïa ki 10 tylli ki kynhun kiba la poi sha ka Final na ka bynta ka ‘Solve for Tomorrow 2024’

Ki kynhun kiba jop kin ïoh ïa ka Grant ne jingïarap haduh ?50 lak na ka bynta ban pynroi shuh shuh. Ka jingthmu jong ka Samsung ka dang bteng ban pynkupbor ïa ki samla ha...

Shillong, Nailur:

Ka Samsung India ka la pynbna ïa ki 10 tylli ki kynhun kiba la rung na ka bynta ka prokram ba kongsan jong ka CSR, ka Solve for Tomorrow 2024. Kine ki kynthup ïa 22 ngut ki samla pule na kylleng ka ri India ban ïakhun mynta ha ka Grand Finale ha kaba kin pyni ïa ki lad ki lynti bathymmai jong ki ha ka kynhun bishar jong ka Samsung bad ki nongïalam jong ka karkhana. Kitei ki kynhun ba la shah jied ki dei na ki jaka ba jngai kum ka Golaghat ha Assam, Udupi ha Karnataka, bad Bilaspur ha Chhattisgarh.

Ka prokram ka la ïohi ïa ki jingrung hapoh ki phang jong ka Imlang Sahlang bad ka Jingpynrung bad ka Mariang bad ka jingpynneh pynsah. Ki jingmut ki sdang naduh ki lad ki lynti ban weng ïa ka jingjaboh jong ka Arsenic haduh ki tiar hikai ba la pynshong nongrim ha ka VR na ka bynta ki samla pule kiba duna dkhot met. Ki nongïashim bynta sha ka phainal, kiba la shah jied hadien bun tylli ki prokram, la hikai da ki riew shemphang na ka Samsung bad ka IIT Delhi Foundation for Innovation & Technology Transfer (FITT).

Ha kane ka nongbah Shillong ka jylla Meghalaya ki khynnah ka jylla ki peit ïa kane ka prokram kum ka rynsan kaba kongsan na ka bynta ban thaw thymmai. Ka ïew Shillong, kaba la tip na ka bynta ka jingsngewtynnad kaba nang kiew ha ki kor ki bor Digital, ka ïohi ïa ki lad ki lynti na ka bynta ka jingïashim bynta kaba kum kata ha ka thaiñ ha ki jingpynmih ban wan jong ka Solve for Tomorrow, kaba lah ban pynbha ïa ka jinglong jingman jong ka North East India.

Ki kynhun kiba jop kin ïoh ïa ka Grant ne jingïarap haduh ?50 lak na ka bynta ban pynroi shuh shuh. Ka jingthmu jong ka Samsung ka dang bteng ban pynkupbor ïa ki samla ha kylleng ka ri ban pynlong ïa ka jingkylla ha ka imlang-sahlang lyngba ka jingpynwandur ïa ka teknoloji.