Jowai, Nailur 15
Ki pulit ka West Jaintia Hills, ha ka miet 12 tarik Nailur ki la ïoh ban kurup noh ïa u drok Heroin uba khia 8.25-gram bad u dawai kuli Nitrazepam uba khia 22.3-gram bad kem noh ïa arngut ki suba donkti.
Ka khubor pulit kaba la ïohlum ka ïathuh ba ha ka por ba ki pulit ki dang pynlong ïa ka jingtalasi ïa ki kali ha Phramer ha ki bynta khappud ka East Jaintia Hills bad West Jaintia Hills kila ïoh ban bat noh ïa kawei ka taksi kamai Maruti Alto kaba don ïa u Registration Number ML11-1883 hadien ka jingsuba jur ïa ka rukom ïaid jong kane ka kali.
Kumta ki pulit ki la bat noh ïa kane ka kali bad pynlong ka jingtalasi ïa ki arngut ki briew kiba don hapoh ïa kiba la tip kyrteng kum u Haniki Lamare uba kam ïalade ba dei na ka shnong Mynthong Jowai bad u Augustine Ryngkhlem uba kam ba u dei na ka shnong Kyndongtuber ha kaba ki la ïoh ban kurup noh ïa u drok heroin kumjuh ïa ki dawai kuli Nitrazepam nalor ka pisa T.16745/-.
Ki pulit ki la kem noh ïa kine ki arngut bad ka jingtohkit halor kane ka dang ïaid shakhmat.
