Shillong, Naitung 24
Ka Bharatiya Janata Party (BJP) Meghalaya kala pynrem jur ïa ka jingkynnoh pyrta ‘slogan’ ba pynjah burom pyrshah ïa u Myntri Rangbahduh Narendra Modi ha Khyndailad.
Ha ka kyrwoh, ka BJP ka ong ba ka durkhih jong kane ka jingjia ba la pynphriang ha ki rynsan online ki pyni ïa ki katto katne ki samla bar jylla kiba pyrta ‘slogan’ shimet pyrshah ïa u Myntri Rangbahduh.
“Kane ka jingpyrta ‘slogan’ shimet ka dei ka bym ïahap satia namar ka Sorkar kala pyrshang ban ïakren bad ki samla ba ïakhih ha Delhi bad khatduh kala poi sha ka jingïasngewthuh jingmut bad ki,” ong ka kyrwoh.
Ka BJP ka ong ba kum kine ki jingleh ki pynsniew ïa ki lynti katkum ka synshar paidbah bad ym dei ban pynshlur ïa ka.
