Shillong, Nailur:
Ka Diageo India (United Spirits Ltd.) ha ka jingïatreilang ryngkat bad ka BharatCares, ka kynhun trei monsngewbha, ka la plie paidbah ïa ki projek Water, Sanitation and Hygiene (WASH) ha Seng Khasi Upper Primary School (Mawlai Khasi Hills) bad Soso Tham Memorial School (Lawsohtun) ha jylla Meghalaya. Ha kane ka sngi plie pyrda la don lang ki dkhot ka Diageo India and BharatCares. Kane ka projek kan myntoi ïa kumba palat 120 ngut ki samla pule bad kumjuh ïa kito ki dkhot kiba kyrshan ïa ka koit ka khiah bad kiba wanrah ïa ka khuid ka suba ha ki sawdong sawkun.
Lyngba kane ka sienjam, ka Digeo India bad ki BharatCares kin buh ia ka RO plant. Nalor kata, ban maramot pynthymmai ïa ka jaka jaka pyllang umdih katkum ki tiar ki tar ka juk mynta ha ryngkat ki kynroh ka skul bad ki paiñkhana ha Seng Khasi Upper Primary School. Nalor kane yn shna ïa ka kamra klas thymmai ryngkat ka Dyna Roof, ki paiñkhana ba la shna lakajong ïa ki khynnah kynthei bad shynrang ha ryngkat ka jaka sait kti, ka RO plant bad ka jaka pyllang umdih yn sa tei ha Soso Tham Memorial School.
U Navdeep Singh Mehram, Head – CSR & Sustainability, Diageo India, u la ong, “Ha ka Diageo India, ka jingtyngkai ïa ka um na bynta ka jiingim ka dei kaba hakhmat tam hapoh ka Society 2030 ESG action plan. Ngi dei kiba la paw bha ha ka jingpynïoh umbam kaba khuid hapoh ka imlang-sahlang. Ryngkat bad ka BharatCares, kine ki jingsdang kin ïarap ban wanrah ïa ka jingkoit jingkhiah ïa ki khynnah skul bad ki nongtrei skul.”
U Maniviraj Singh, u Vice President-CSR & ka sorkar, u CSRbox Foundation Said, “Ngi sngewkmen ban bteng ïa ka jinglah jong ngi bad ka Dageo India halor kane ka Community Ena. Kine ki projek kin ïarap ban pynbha ïa ka jingtei baroh kawei jong ki skul da kaba buh ïa ki rukom pynkhuid um, ki jaka pynkhuid, bad pynbha ïa ki jinglong. Lyngba kine ki jingsdang, ka jingthmu jong ngi ka long ban pynbiang ïa ki khynnah skul ïa ka jinglong jingman kaba kham bha bad ban ïoh ïa ki jingdonkam kiba donkam.
