Shillong, Nailur:
Ka Khasi Hills Autonomous District Council (KHADC) ha ka Sngi Nyngkong ka la aiti da ka kamra treikam na ka bynta ki khlieh nongsynshar jong ki Hima bad Elaka, khnang ba kin ïoh pyndonkam haba ki wan sha Council.
Ïa kane ka kamra la plie bad aiti da u Chief Executive Member (CEM) u Bah Pynïaid Sing Syiem ha ka jingïalang lyngkot kaba la long ha kane ka sngi.
U CEM u la ong ba kane ka kamra treikam ka long ban pynsuk ïa ki Syiem, ki Lyngdoh, ki Sordar, ki Sirdar, ki Wahadadar haba ki wan donkam sha KHADC ba kin ïoh ka jaka ban shong jahthait bad pynbiang ki kot ki sla ne ki jingthoh jingtar ym shuh ban ap habar khyrdop jong u CEM ne ki EM, bad ruh ban pynsuk ha ki kam jong ki u la pyntip ba la buh ruh uwei u nongtrei ban ïarap ïa ki, khnang ba kin lait ap shabar haba ki leit donkam ha KHADC.
U Bah Pynïaid u la ong ruh ba kane ka jingai ïa ka kamra ka long ban pynïajan hapdeng ki para khlieh nongsynshar, bad ban pynïajan ruh ïa ka KHADC bad ki khlieh nongsynshar ha ki Hima bad Elaka.
