Shillong, Nailur 18
U Additional Deputy Commissioner (ADC) jong ka East Khasi Hills u la ujor sha ki pulit ba ha ka 9 tarik mynta u bnai katba dang pynlong ïa ka jingpynshisha ha kaba ïadei bad ka jingthung kam shipai kata hapoh ki Armed, Paramilitary bad Police Force, la lap ba uwei u samla u la pyndonkam da ka syrnod thok ban ïoh rung kam. Ha ka jingujor ba la ai sha ki pulit, la ong ba u Arman, uba dang shen u la ïoh rung kam SSB bad ba mynta u don ha ka kam ha Kolkata, West Bengal, la lap ba u la pyndonkam ne ai da ka syrnod thok.
