Shillong, Nailur:
Ka SBI General Insurance ka ïasnohktilang bad ka Maruti Suzuki Insurance Broking ban plie ïa ka Insurance Awareness Camp ha Nongpoh, Ri-Bhoi district, Meghalaya.
Ka jingthmu ka long ban ïarap ban pynnang pynstad ïa ki trai shnong bad khamtam eh ban ai jingïarap haba jia ka khim khait kum ka jingdonkam shah sumar bad shah pynjulor ki jingdon jingem.
Ha kane ka camp la pynlong ïa ki jingpeit kali bad sumar khmat ei ïakob dro, kaba la khring ïa ki nongshim bynta. Kane ka jingthmu ka long hadien ka jingpynshai kaba kum kane ha St. Mary’s Higher Secondary School ha Shillong, ha kaba palat 62 ngut ki samla pule ki la shah hikai halor ki jingsdang jong ka Insurance, kynthup ïa ka jingïapher hapdeng ka Insurance jingim bad bym dei jingim.
U nongaiktien jong ka SBI General u la ong, “Kum ka kompeni Insurance ba hakhmat eh ha Meghalaya, ngi thmu ban pynsngewthuh shaphang ka Insurance bad ban kyntiew ïa ka jingnang jingstad ha ka liang ka pisa tyngka ha kane ka thaiñ. Ka jingïatreilang jong ngi bad ka Maruti Suzuki Insurance Broking kan ai bor ïa ki briew shimet ban shim ïa ki rai kiba bniah shaphang ka jingshngaiñ ha ka liang ka pisa tyngka jong ki.”
Ka jingthmu ka dei shi bynta jong ka buit treikam kaba kham jylliew ban weng ïa ka jingduna jong ka jingrung jong ki nongïoh jingïarap ha India-95% na ki nongshong shnong ki dang sah khlem jingïarap, katkum ka kaiphod jong ka ri India. Baroh ar tylli ki seng ki thmu ïa ka jingïatreilang hadien habud bad ki jaka treikam sorkar bad ki seng trei mon sngewbha ban kyntiew shuh shuh ïa ka jingïada bad jingpynsngewthuh ïa ki Insurance ha kylleng ka jylla Meghalaya.
