Shillong, Nailur 18
Ki pulit jong ka West Garo Hills ki la ïoh ban kem noh ïa ar ngut ki briew bad na ka met jong ki la ïoh ban kurup palat hajar tylli ki kuli Yaba.
Katkum ka khubor kaba la ïoh na ki pulit la ong ba ha ka janmiet jong ka 15 tarik mynta u bnai hadien ka jingïoh ïa ka jingtip kaba bniah, ki pulit ki la ïoh ban kem noh ïa ki ar ngut ki nongñiah ar shaka ba la tip kyrteng kum u Waliul Islam (23 snem) bad u Abu Bakkar Siddik (22 snem) na ka thaiñ Khaprabari ha West Garo Hills bad na ka met jong kine la ïoh ban kurup haduh 1953 tylli ki dawai kuli Yaba.
