Nongstoiñ, Nailur 19
Ban ïarap ïa ka jingshngaiñ ki nongshong ïew shong hat bad ki paidbah ha ka Ïew Nongstoiñ, ka Hynñiewtrep Youths’ Council – Nongstoiñ Circle (HYC-NC), ha ka Sngi Palei ka la bteng ban pynlong ïa ka jingkhynra bad peitngor ïa ka jingjyllei u drok ha ki bynta jong ka Ïew Nongstoiñ.
Ka seng hapoh ka jingïalam u samla Willson Marthong, Organising Secretary, HYC Nongstoiñ Circle ryngkat ki dkhot ki la hiar biang ban khynra drok hapoh Ïew Nongstoiñ ban wanrah jingshngaiñ ïa ki nongshong ïew bad ki paidbah kumjuh ban khang lad ïa ki samla ba kyrni ha u drok.
La ong ruh ba ka HYC lyngba u samla Willson Marthong ka don ka lad ban ïakren ban pynïoh ‘Rehab’ ne jaka sumar lada ki samla ki mon ban kylla.
Na ka liang ka HYC ka kyrpad ban ïatreilang ban wanrah jingshngaiñ ïa ka jaidbynriew kaba rit, ka seng kan ïai bteng ban khynra namar hadien ba la shimkhia la ïohi ïa ki dak ki shin ba ka Ïew Nongstoiñ ka la sdang duna ki nongdih drok ha kyndong ka ïew.
