Jowai, Nailur 19
Ki pulit ka thanat Jowai ha ka 17 tarik ki la ïoh kem ïa uwei u suba nongtuh waïar ka DC ophis, Jowai.
Ki pulit kiba pynlong ïa ka jingtohkit halor kane ka jingjia shah tuh na DC ophis, Jowai ki la ïoh kem noh ïa uwei na ki suba donkti ba la tip kyrteng kum u Arki Ryndem ba shong ba sah ha Khliehtyrshi Moopyllaitsyiar, Iyngtehwan, West Jaiñtia Hills District.
La ïathuh ba ïa ki waïar kiba la tuh na DC ophis, u la dep die bad ki pulit ki dang pyrshang ban ïit ïa ka jaka kaba u die ïa kitei ki waïar.
Halor kane ka jingïoh kem ki pulit, ki la pynlong ïa ka jingtohkit kaba bniah ban lap ksai ïa kiwei pat kiba donkti ha katei ka kam.
