Shillong, Nailur 20
U Joint Director jong ka Health Services (SS), Civil Hospital, Shillong u la pyntip ba uwei u briew bym lah ban ithuh ne tip kyrteng uba don hapdeng ka rta 35 snem ba la wan pynkit da ka kali 108 ha ka jingbym tip briew, u la shah sumar ha Male Medical Ward-II ha ka 19 tarik mynta u bnai ha ka por 3 baje eiei janmiet. Une u briew u la khlad noh ha kane kajuh sngi ha ka por 7.45 janmiet.
Ha kaba ïadei bad kane, la kyrpad ïa baroh ki bahaïing ne kino-kino kiba don jingtip bad ithuh ba kin wan shimti noh ïa ka metïap na ka jaka buh metïap ha Civil Hospital Shillong hapoh lai sngi naduh ka sngi ba la pynmih ïa ka jingpynbna. Lada ym don kiba wan kam ïa kane ka metïap yn sa aiti noh sha ka Shillong Municipal Board ban leh ïa kaba donkam.
