Nongstoiñ, Nailur 23
Uwei u pulit ïa uba la tip kyrteng kum u Bah Shanding Nongsiej, uba trei ha Kyrshai Outpost hapoh West Khasi Hills District u la duh noh ïa la ka jingim hadien ba u la hap bad ngam jyllop ha ka Wah Kyrshai katba u dang thmu ban jam sha shiliang jong ka wah.
Katkum ka tyllong khubor kaba la ïoh na ki heh pulit jong ka District, la ïathuh ba hadien katei ka jingjia, ki pulit ki la hiar mar-mar sha katei ka jaka bad da ka jingïarap jong ki nongshong shnong, la ïoh ban sei noh ïa ka met jong u na katei ka wah.
Shuh shuh ka khubor na ki heh pulit la ong ruh ba hadien ba la pyndep ïa baroh ki jingdonkam katkum ka aiñ la rah noh ïa ka met na katei ka jaka.
