Shillong, Nailur 23
Ar ngut ki briew ki la ujor mar kylliang sha ki pulit halor ka jingkynnoh ba ki la shah kren tohmet bad shah ktah kti uwei ha uwei pat.
Katkum ka khubor ba la ïoh na ki pulit la ong ba u Habibur Rehman u la ujor pyrshah ïa uwei u briew uba kyrteng u Danish Alam lem bad ar ngut kiwei ba ki la ktah kti ïa u hapoh ka dukan ka jong u kaba don hapoh ka AJ Shopping Complex, Ïewduh, Shillong kaba la jia ha ka 20 tarik mynta u bnai ha ka por kumba 1.15 mynsngi.
Ha kawei pat ka liang, u Syed Danish Alam u la ujor pyrshah ïa u Habibur Rehman halor ka jingkynnoh ba u la kren tohmet, pyndik bad ktah kti ïa u, katba u dang don ha lynti ban leit sha Police Bazar, Shillong kaba la jia ha ka 20 tarik mynta u bnai ha ka por 12.30 mynsngi.
