Shillong, Nailur 26
Uwei u Rangbah u la duh ei noh ïa la ka jingim hadien ba la kynnoh ba u la shah shoh shah tied ha katto-katne ki briew hadien ba ki la dawa pisa na u.
Katkum ka khubor kaba la ïoh na ki pulit la ong ba u Ziadul Hoque u la ujor sha ki pulit ba ha ka 29 tarik jong u Nailar, 2024 ha ka por 9 baje mynstep, uwei u briew ba la tip kyrteng kum u Piletha Sangma ryngkat bad kiwei, ki la dawa pisa bad ban shoh bad tied ïa u para jong u, u Eunas Ali (37 snem) kaba la jia ha ka shnong Baksapara ha South West Garo Hills bad hadien kane, ki la phet bak na katei ka jaka.
La ong ba utei u briew hadien ba u la shah shoh shah tied u la mynsaw jur bad la pynkit noh mar-mar sha Civil Hospital Ampati. Nangne la phah pynkynriah noh sha GNRC Hospital, Guwahati, ha kaba ki doktor kiba don ha kane ka hospital ki la pynbna ba u la dep khlad lypa shwa ban poi ha kane ka jaka ai jingsumar.
Ha kaba ïadei bad kane, ki pulit mynta ki dang pynlong ïa ka jingtohkit kaba bniah ban lap ïa ki jingshisha baroh bad kumjuh ruh ban thwet ïa ki briew kiba la kynnoh donkti ha kane ka kam.
