Shillong, Nailur 26
Lai ngut ki briew ki la shah kynnoh ba ki la tuh ïa ka pisa kaba long haduh T.10 lak na kawei ka kali kaba la pynïeng ha ka shnong Kynrud kaba hap ha Eastern West Khasi Hills District.
Katkum ka khubor ba la ïoh na ki pulit la ong ba u Kusman Rani u la ujor pyrshah ïa lai ngut ki briew, kita u PL Mawnai, E Basaïawmoit bad P Marbañiang, ha kaba la kynnoh ba ki la donkti ban tuh ïa ka pisa kaba long T.10 lak na ka kali jong u kaba don ïa u nombor ML05-T-5746 ha ka 17 tarik mynta u bnai ha ka por kumba 9.30 mynmiet.
Kumta na ka liang ki pulit ki dang pynlong ïa ka jingtohkit ban lap ïa ka jingshisha baroh la ki donkti shisha ne em kitei ki briew ban tuh ïa katei ka pisa.
