Shillong, Nailur 29
U General Secretary ka National People’s Party (NPP) ka East Khasi Hills, Bah Aibor Tynsong, u la pyntip ba kiba bun ki block na ki shiphew tylli ki konstitwensi ki dang pan por ba kin phah ïa ki kyrteng jong ki kyrtong sha district haduh u bnai ban wan kata haduh u bnai Risaw 2024.
U la pyntip ba ka jingaipor ban phah ïa ki kyrteng jong ki kyrtong kan kut mynta u bnai hynrei ym pat ïoh haduh mynta.
U Bah Aibor u la pyntip ba wat u Bah Lambor Malngiang u MDC ba mynta ka Nongkrem constituency u lah ban ïakhun na ka tiket NPP na Nongkrem konstitwensi ha kane ka ilekshon.
U la ïathuh ba ki konstitwensi kiba la don lypa ki MDC kiba la dei lypa ki kyrtong ka NPP ki long u Bah Pynïaid Sing Syiem uba dei u CEM ka KHADC na Sohryngkham konstitwensi, Bah Lamphrang Blah u Chairman ka KHADC na Mawphlang Diengiei konstitwensi, Bah Sherbor Mawlong na Sohïong, Bah Alvin Sawkmie na Mawsynram konstitwensi, Kong Grace Mary Kharpuri na Nongshken konstitwensi, katba ki constituency kiba hap wad kyrtong thymmai ki bym don MDC ki long ha Sohra, Mawkynrew, Shella, Langkyrdem Laitkroh bad Mylliem konstitwensi.
Shuh shuh u la ïathuh ba baroh ki MDC kin ïakhun biang ïa kane ka ilekshon ka ban sa long noh shen.
