Shillong, Nailur 30
Haduh 5 ngut ki nong India ki la shah kem noh ha ki shipai BSF ka Meghalaya Frontier bad ha kaba la ïoh ruh ban kurup ïa kawei ka trok bad ka bos kiba kit ïa ki marbam na ki bynta jong ka khappud ha East Khasi Hills District.
Ha ka 29 tarik Nailur, ki shipai ka 193 Bn kila ïoh bat noh ïa kawei ka trok bad kawei ka bos ha ka lad jong ka surok Ranikor-Dangar, kaba wan na Shillong ban leit sha ki jaka khappud. Kine ki kali ki dei kiba kit ïa ki marbam kiba shongdor haduh T.43 lak.
Ha ka jingtohkit, ki nongñiah jong kine ki kali, kim shym la lah ban ai ka jubab kaba biang ne ban pyni ïa ki kot ki sla kiba biang jong kine ki kali lem bad ki marbam.
Ïa kine ki san ngut ki briew lem bad ïa kitei ki kali ba la ïoh ban kurup, la aiti noh sha ki pulit jong ka Dangar Police Outpost.
