Khliehriat, Risaw 01
Ka ïingbishar Special Judge (POCSO), East Jaiñtia Hills District, Khliehriat ka la rai pynrem bad pynshitom ïa u Lovely Chyrmang da kaba set patok arphew san (25) snem ryngkat ka kuna kaba T.50,000 namar ka jingleh be-ijot ïa ka khynnah kaba dang rit ka rta ha u snem 2017.
U Chyrmang u la shah kem ha ki pulit ka Khliehriat katkum ka C/No.22(01)2017 U/s 5(j)(ii)/6 POCSO Act halor ka jingdonkti batbor ïa kawei ka khynnah ha kawei ka shnong kaba hap hapoh jong ka thanad Khliehriat.
La register ïa kane ka mukotduma bad la aiti ïa ka jingtohkit ha ka WPSI B Shadap. Ka jingtohkit halor kane ka kam la leh da kaba bniah bha bad la pynngat ïa ka Chargesheet katkum ka CS No.31/2018 dated 24.04.2018.
Hadien ba la pyndep ïa ka jingbishar, ka kashari jong u nongbishar Special Judge (POCSO), East Jaiñtia Hills District, Khliehriat ka la ai ïa ka rai jong u ha ka 20.09.2024 ha kaba la lap ba u Chyrmang u dei uba donkti.
