Shillong, Risaw 01
Ka ICFAI University Meghalaya ha ryngkat ka jingïasnoh kti lang bad ka India Tourism Shillong ka la rakhe ïa ka World Tourism Day 2024 da kaba pynlong ïa ka prokram kaba arsngi, ha ka 26 bad 27 tarik mynshem bnai.
Ha ka sngi ba nyngkong, la pynlong da ka Workshop on ‘Capacity Building’ ha kaba ki samla na ka shnong Khlieh-A-Sem bad Mawlyndep ryngkat bad ki khynnah pule ka Univeristy kila ïa shim bynta ha katei ka prokram. U kongsan ha katei ka sngi u long u Bah Ian A Lyngdoh, Tourism Consultant, Author ha ryngkat ka jingdon lang jong u Bah Banlum Lyngdoh, Clara Tours & Travels.
Ha katei ka sngi la ïoh ïa ka jinghikai ba kyrpang na ka Pioneers Adventure Tour Meghalaya halor ka phang ‘Adventure Tourism & Tour Guiding’ ba la ai da u Bah Jason Lamare, na ka Greentech Foundation Meghalaya halor ka phang pdeng ‘Waste Management’ ba la ai da u Bah Ritre Lyngdoh, na ka Aapda Mitra Volunteers halor ka phang pdeng ‘First Aid & Life Saving Skills’.
Ha ka sngi kaba ar pat la pynlong da ka prokram kaba kyrpang ha ka shnong Khlieh-A-Sem, Mawkynrew Block, East Khasi Hills District, Meghalaya ha kaba u Bah Pynshngainlang Warlaitthma, JRDO ka Mawkynrew Block u la long u kongsan ha katei ka sngi ha ryngkat ka jingïadonlang u Assistant Director ka India Tourism Shillong, u Amit Kumar Gupta. Ka University kala noh synñiang ruh da ki Life Jacket bad ki jaka bret ñiut sha ka shnong Khlieh-A-Sem ha katei ka sngi.
