Shillong, Risaw:
Ka Dyson ka la pyllait paidbah ïa kawei ka tiar kaba bha haduh katta katta, bad kata ka dei ka tiar ban deng ha khlieh bad sngap jingrwai ne Headphones: bad ka kyrteng jong kane ka tiar ka long Dyson OnTrac™ headphones ha India.
Kane ka dei ka tiar kaba la ap khmih lynti bha ha baroh shi katta bad la pyllait ïa ka ha ka lympung pyllait paidbah ha New Delhi da U Jake Dyson, Chief Engineer ryngkat bad u nong pynsaphriang jingtip shaphang une u Dyson OnTrac™ headphone ha India bad uba long ruh u riew paw khmat ha ka tem ka put ka rwai ka siaw u Badshah.
U Dyson OnTrac™ headphone udei uba bha haduh katta katta khamtam ban khanglad ïa kiwei pat ki jingsawa ba wan na shabar bad lah ban sngap haduh 55 kynta. Une u headphone u don haduh 2,000 jait ki jingsop ba nabar kiba ha ki rong bapher bapher ha kaba ki nongthied ki lah ban jied hi ïa ki rong ba ki kwah bad kumjuh ruh ïa ki jingdeng kiba don ha shkor kiba jem ne ki Cushion ïa kaba la shna na ki Microfibre kiba bha haduh katta katta bad na ki Foam ruh kiba bha bad shuh shuh ki don ruh ïa ki Acoustic Seal.
U Jake Dyson, Chief Engineer u la ong: “. Kine ki Headphone ki pyni ïa ka jingtreikam ka Dyson ha kaba ïadei bad ka rukom shna ïa ki sur jingsawa ban pynneh pynsah ïa ka nam jong ki riewdonsap ban pynmih ïa kane ka jingsawa ne Sound Wave, kaba lait na kino kino ki jingpynwit.”
