Shillong, Risaw 02
Ka Bharatiya Janata Party (BJP) hapoh ka jingïalam u MLA ka South Shillong, Bah Sanbor Shullai, ki la kynmaw burom ïa u lyngkhuh sngi kha jong u Kpa ka Ri Mahatma Gandhi da kaba pyndeng syntiew ïa u mot ha Secretariat.
Kiba la ïadonlang ha kane ka sngi ki kynthup ïa ka President ka Mahila Morcha ka Kong Susuki Pariat, u President ka Shillong City u Bah H Bob Lyngdoh bad u Gundresh Marak na Garo hills nalor ki dkhot ka Mahila Morcha bad kiwei kiwei.
Hadien ka jingpyndon burom, ka kynhun ka la leit sha Motphran bad ïashim bynta ha ka jingpynkhuid shnong kaba ïahap bad ka jingkhot jong u Myntri Rangbahduh ka ri na ka bynta ka ‘Swach Bharat’.
