Shillong, Risaw:
Ka Utkarsh Small Finance Bank Limited (Utkarsh SFBL) ka la rakhe ïa ka lyngkhuh dap 15 snem naduh ba la seng ïa ka.
Ha kane ka juh ka sngi ka la plie ruh sa kumba 18 tylli ki Banking Outlet ha sawdong ka ri India da kaba pynkha ruh ha ki 966 tylli ki jaka. Kine ki shnat thymmai ki don ha ki jylla bapher bapher kynthup ka Bihar, Himachal Pradesh, bad Madhya Pradesh, ban pynkhlaiñ shuh ïa ka thong ba katei ka Bank ka angnud.
U Parveen Kumar Gupta uba dei u Chairman u la pynsngew da kaba ong “Kane ka jingpynïar shuh shuh ka dei shi bynta ka thong ban nangpynsuk ïa ki nongshong shnong ha kaba ïadei bad ka kam Bank.” U MD & CEO, u Govind Singh u la pynpaw ba ka jingnangsan ka Bank ka long shi bynta ban shakri hok ïa ki Customer bad ban wad ki lad kiba paka tam.
Ha nongbah Shillong, ka jingpynmih ïa ki shnat treikam thymmai ka long ban pyndap ïa ka jingdawa kaba nang kiew na ka bynta ki jingshakri ba pura, khamtam ha ki jaka ba duna ka jingshakri. Da ki jingai bapher bapher kum ki jingkynshew pisa, ki ram, bad ka Digital Banking, ka Utkarsh SFBL ka thmu ban pynkhlaiñ ïa ki ïoh ka kot ha ka thaiñ bad kyrshan ïa ki jingangnud jong uwei pa uwei, ban pynroi ïa ka jinglong jingman jong ka pisa tyngka ha ka jylla Meghalaya.
