Shillong, Risaw:
Ka Seng Samla Kur Kharmawphlang ka la rai ban pynlong ïa ka jingpynkup burom ïa ki samla jong ka Kur Kharmawphlang kiba Pass bha ha ki eksamin bapher bapher jong u snem 2023 & 2024. Na ka bynta kane ki samla kin sngewbha ban ai jingtip sha i Vice President jong ka Seng Samla Kur Kharmawphlang i Kong Tusila Kharmawphlang, kiba Pass ha ka kyrdan 1st Division jong ki eksamin bapher-bapher kiba kynthup ïa kine harum SSLC, CBSE, ICSE, HSSLC (Atrs, Commerce & Science), CBSE (Atrs, Commerce & Science), Degree (Atrs, Commerce & Science), Master Degree (Atrs, Commerce & Science). Ïa ki Marksheet bad ka Biodata dei ban pynpoi sha i Kong Tusila Kharmawphlang i ba dei i Vice President jong ka Seng Samla Kur Kharmawphlang ne call ha une u Number 84140-79820. Ka tarik ban pdiang khatduh ïa ki Marksheet bad ka Biodata kan dei ha ka 12 tarik, Risaw, 2024.
La kyrpad ban sngewbha pyndap bha ïa ka kyrteng & Mobile Number da kiba shai ryngkat bad phah ha u WhatsApp number ba la ai.
Ha kajuh ka por ruh ka Seng Samla Kur kan pynlong ïa ka jingai jingtip ba kham bniah ha ki bynta bapher bapher lyngba ki ophisar na ki tnat jong ka sorkar, kumno ban tip kham bniah ha ka rep ka riang, ka ri jing ri bad kumjuh ruh ban btin lynti ïa ki samla pule ha ki bynta bapher ha ka liang ka pule puthi. Kane ka jingpynkup burom bad ka program kan long ha ka 26 tarik (Sngi Saitjaiñ) bnai Risaw, 2024 ha ka por 12 baje nohphai sngi ha Dorbar Hall, Umpling.
