Shillong, Risaw 03
Ki dkhot ka VDP jong ka Umphyrnai ha East Khasi Hills ki la ïoh bat noh ïa kawei ka kali kaba la suba jur ban kit ïa ki mar tuh ha ryngkat saw ngut ki briew kiba don hapoh ka kali.
Katkum ka khubor na ki pulit la ong ba ha ka 2 tarik mynta u bnai ha ka por kumba 5:18 eiei dang step, ki VDP ki la ïoh ban bat noh ïa katei ka kali kaba don ïa u registration number ML05-AD-0232 halor ka jingsuba ba ka la pynkit ïa ki mar tuh. Ha kane ka kali, la don lang ruh saw ngut ki briew kiba kynthup ïa u Ripollstar Suting (22 snem), Skhemlang Khongrymmai (30 snem), Dibestone Suting (22 snem), bad u Panborlang Kharumnuid (28 snem).
Ha kaba ïadei bad kane, ki pulit ki dang pynlong ka jingtohkit ban lap ïa ki jingshisha baroh.
Ha kawei pat ka khubor na ki pulit la ong ba u Gautam Ghosh u la ujor ba ha ka miet jong ka 30 tarik mynshem bnai, ki briew bym lah ban ithuh ki la tuh ïa ka arshaka jong u kaba don ïa u registration number ML05-AB-0217 na ka ïingsah ka jong u, kaba don ha Golf Links, Shillong.
