Shillong, Risaw:
Kum ka dak ban rakhe ïa ka World Environment Health Day, ka Toyota Kirloskar Motor (TKM) ka la pyntikna biang sa shisien pat ban aiti lut na ka bynta ban pynlong ïa ka mariang kaba ïaineh. Ha ki snem ba la leit ka TKM ka la sdang ïa ki rukom treikam kiba ïaineh bad ka la kylla na ka kompani shna kali kiba pynkit ïa ki mar ki mata. Da kaba buh ha khmat ïa ka rukom treikam halor ka phang ‘Respect for the planet’ ka Toyota ka la pynbna kylleng ka pyrthei ïa ka ‘Toyota Global Challenge 2050’ (TEC 2050) ha u Risaw 2015, kaba kynthup ïa hynriew tylli ki jingeh ban pynduna ïa ka jingmih jong ka Carbon na ki mar ki mata jong ki. Ka thup jong ki lai tylli ka phai khmat ban pynmih ïa ki tiar ki tar kiba duna ka jingmih ka Carbon bad kumjuh ruh ha ki rukom shna tiar jong ki. Ki lai tylli ki jingeh kiba sah ki thmu ban pynduna ïa ki jingktah ïa ka pyrthei mariang.
Ha kaba ïadei bad ka TEC 2050, ka rukom treikam jong ka TKM ka nang ïaibteng ban pynmih ki rukom treikam kiba thymmai kiba palat ban ïa kaba shu shna bad pynmih tiar thymmai, da kaba lah ban long kiba jop ha ka liang ka jingpynneh pynsah ïa ka mariang (kum ki jingthung dieng, kaba pynneh ïa ki mrad bad ki jingthung jong ka ri), ka jingpyndonkam ba biang ïa ki mar mariang (ka jingpynïaid ïa ka um, ki bor lait, bor lyer bad kumta ter ter), bad ka jingpyntbit ïa ki rukom bad ki lad ban pyndonkam arsien, laisien bad kumta ter ter ïa ki tiar.
