Shillong, Risaw 06
Uwei u rangbah uba dei u nongshong shnong jong ka West Garo Hills u la shah thok pisa haduh palat T.1 klur ha uwei u briew da kaba kynnoh ba ka jingshah thok pisa ka dei lyngba ka jingpynpaw ban tei petrol pump.
Katkum ka khubor ba la ïoh na ki pulit la ong ba une u rangbah u la ujor bad kynnoh ba uwei u briew uba kyrteng u Askar Ali u la thok pisa ïa u haduh T.1,17,24,000/-, da kaba leh mynleh kum u nongshong shnong ka Meghalaya bad uba don ka iktiar ha ka Nayara Energy Ltd., ryngkat ka license na ka GHADC na ka bynta ban tei ïa ka petrol pump ha Garobadha, West Garo Hills.
Shuh shuh na ka liang jong une u nongujor, u la pyntip ruh ba ha ka 8 bad 15 tarik jong u bnai Nailur, 2024, utei u nongshah ujor ha ryngkat ka kurim bad u khun jong u, ki la byrngem byrsit.
Ha kawei pat ka khubor na ki pulit, ka Rebina Sangma ka la ujor ba ha ka 3 tarik mynta u bnai ha ka por kumba 3 baje dang step, ka la lap ba saw tylli ki masi ki la jah na ka sem masi jong ka, kaba don ha ka shnong Agonggitim ha South West Garo Hills.
