Shillong, Risaw 08
Ka skulbah ïa kaba la tip kum ka ICFAI University Meghalaya (Shillong Campus) ka la pynlong ïa ka jingrakhe kynmaw burom ïa u NJ Yasaswy uba dei u nongseng ïa ka kynhun jong ki jaka pule jong ka ICFAI ha ka lyngkhuh sngi khlad ba 13 snem jong u.
U NJ Yasaswy u dei u radbah ha lyndet ka jingseng ïa ka kynhun ICFAI ha u snem 1985 bad kaba la pynlong shuh-shuh ba un seng sa ïa ki katto-katne ki skulbah bad ki skul treikam ha ka thaiñ shatei lammihngi jong ka Ri India.
Ha kane ka sngi kynmaw burom, ka ICFAI University Meghalaya (Shillong Campus), ka la pynlong ïa ka prokram ai jinghikai na ka bynta ki samla ba dang wan pule thymmai na baroh ar tylli ki prokram kata na ka UG bad ka PG Course. Ha kane ka prokram la wan ban ïashim bynta da ki samla pule ha ryngkat bad ki kmie ki kpa ha kaba la ai jingtip lyngkot ïa ki jingtip ba kyrpang jong ka skulbah kum ki jingpule, ki lad ban ïoh kam, ki rukom bishar bniah bad ki kam ba shabar jong ka skulbah.
