Shillong, Risaw 11
Ha ka jingïai bteng jong ka jingkhynra pyrshah ïa ka jingdie kyiad beaiñ ha nongbah Shillong, ki pulit ka East Khasi Hills ki la ïoh ban kurup da ki phew synduk ka kyiad bad ka beer.
Ha ka jingkhynra kaba la pynlong ha ka thaiñ Polo kaba hap hapoh ka thanat Sadar, ki pulit ki la ïoh ban kurup haduh 277 liter, kaba kynthup 115 liter ka kyiad phareng (IMFL) bad 162 liter ka beer.
Kane ka jingkhynra ka dei ruh kum shibynta ban pynthikna ïa ka jingshngaiñ bad ban tehlakam ïa ki kam kiba lah ban thaw jingkulmar ha kane ka aïom lehkmen.
