Shillong, Risaw 13
U Myntri Rangbah ka Jylla, u Conrad K. Sangma, ha ka Sngi Thohdieng u la ïashim bynta ha ka Swachhata Hi Seva (SHS) 2024 kaba la sdang naduh ka 17 tarik Nailur, 2024 bad pynkut ha ka 2 tarik Risaw, 2024.
Hynrei, u Myntri Rangbah ka Jylla, ha katei ka sngi u la ïashim bynta ha ka jingpynkhuid bad kam pynitynnad da kaba kdew ba ka jingkhuid-jingsuba kam dei thik tang na bynta kawei ka por ne kawei ka sngi bad kyntu ïa ki paidbah ban pynneh-pynsah ïa ka jingkhuid-jingsuba man ka sngi ha ka jingim jong ki da kaba pynlong ruh kum shi bynta jong ka kolshor, nongrim bad ka rukom long jong ki.
Kum shi bynta jong kane ka prokram ban pynkhuid bad pynitynnad ïa ka sor Tura, u Myntri Rangbah u la ïashim bynta ha ka jingpynkhuid ïa ka Tura Super Market Complex. Ha kane ka sngi, la donlang ruh u Deputy Commissioner, West Garo Hills lem bad kiwei-kiwei ki ophisar na ki bor distrik bad ka Tura Municipal Board.
