Shillong, Risaw 14
Ka synduk kaba kit ïa ka met u Br. Eric D’Souza kan poi ha Kad Liengsuiñ Guwahati ha ka 15 tarik mynta u bnai ha ka por 7.55 baje mynmiet da ka liengsuiñ Indigo (Flight No. 6E-2095), ha kaba la synran lang da u Br. Steve Fernandes bad u Br. Joe Johnson.
Baroh ki Seppan bad ki Secaan kiba kwah ban don lang ha ka Kad Liengsuiñ ban pdiang ïa ka synduk kum ka dak jong ka jingieid bad jingburom jong ki, la pdiang sngewbha ba kin leh kumta.
Kito kiba na Shillong ki lah ban ïadon bynta lang ha ka jingïaid synran lang haduh ha skul.
Katkum ka por ba la pynbeit thymmai, ïa ka synduk yn buh ha ‘Chapel’ jong ka skul na bynta baroh ki khynnah pule, ki nonghikai, ki khynnah skul ba la pyndep ïa ka jingpule, ki paralok bad ki paidbah, ban leh burom khatduh naduh ka por 10.00 baje mynstep haduh 2.00 baje mynsngi (ym naduh 7.00 baje mynstep) ha ka 16.10.24 (Sngi Balang) bad ka Mass leit on tep kan sdang ha ka por 3.00 baje nohphai sngi (ym ha ka por 11.00 baje mynstep, namar yn ap ïa ka jingwan ki bahaïing bahasem jong u), bud pat sa ka jinglehniam ha u lum jingtep ka Balang Katholik, Laitumkhrah, Shillong.
Ka jingsdang ban ïaid kan long ha ka por 4.15 baje janmiet.
Shuh shuh la pynbiang ïa ki jaka ïeng kali bad yn khmih da ki dkhot N.C.C. jong ka St. Edmund’s College – na khyrdop bah, la kyrpad ïa baroh ki kali ban ïaid ïa ka lynti ban leit sha kolej bad ym ban ïaid sha skul.
Kane ka long katkum ka kyrwoh na u Secretary ka SEPPA-Central, Seppan Ramesh Bawri.
